Prezıdent janyndaǵy Áıelder isteri jónindegi ulttyq komıssııanyń otyrysy ótti
Jıyndy ashqan Ulttyq komıssııanyń tóraıymy G.N. Ábdiqalyqova Memleket basshysy Q.K.Toqaevtyń Qazaqstan Respýblıkasynyń Prezıdentin ulyqtaý rásiminde berilgen mindetterdiń sheshilýine nazar aýdardy.
Ulttyq komıssııa jastardy jumyspen qamtý, jańa jumys oryndaryn ashý, «Rýhanı jańǵyrý» baǵdarlamasy aıasynda otbasylyq qundylyqtardy ilgeriletý sııaqty máselelerdi qarastyrdy.
Eńbek jáne halyqty áleýmettik qorǵaý mınıstrliginiń málimetine sáıkes elimizde 14-ten 28 jasqa deıingi aralyqta 3,9 mıllıon jas bar. Jastardy jumyspen qamtý maqsatynda «Jasyl el», «Dıplommen aýylǵa», «Serpin», «Jastar tájirıbesi» baǵdarlamalary iske asyrylýda. Tabysty jumyspen qamtý jáne jappaı kásipkerlikti damytý baǵdarlamasy 2018 jyly 253 myńnan astam jasty jumysqa ornalastyrýǵa múmkindik berdi. Bul osy baǵdarlamaǵa qatysýshylardyń jalpy sanynan 37 paıyzyn quraıdy. «Bastaý bıznes» jobasy aıasynda kásipkerlik negizderi boıynsha 8,5 myń jastar oqytylyp, 2 myńnan astamy shaǵyn nesıe aldy. Kásibi boıynsha alǵashqy tájirıbe alý úshin 28,4 myńnan astam jas óndiristik tájirıbege jiberildi. Áleýmettik jumys oryndaryna jáne qoǵamdyq jumystarǵa jastar arasynan 34,8 myń adam jiberildi. Jastardy qoldaý úshin «Jastar – el tiregi» Ulttyq jobasy bastaý aldy. Bul bastama úsh jyl ishinde 1 mıllıon jasty qamtıtyn bolady.
«Rýhanı jańǵyrý» baǵdarlamasynyń júzege asyrylýy jáne Elbasy Nursultan Nazarbaevtyń «Uly dalanyń jeti qyry» maqalasynyń basymdyqtary rýhanı-adamgershilik qundylyqtardy qaıta jańǵyrtýǵa baǵyttalǵan. Rýhanı, mádenı qundylyqtardy, ulttyq kodty saqtaý jáne dáripteý úderisinde otbasy úlken ról atqarady. Sondyqtan, osy tapsyrmany júzege asyrý úshin otbasylyq qundylyqtardy jyljytýǵa basa mán berilgen. Osy maqsatta ÚEU úshin memlekettik áleýmettik tapsyrys aıasynda 2019 jyly quny 607 mıllıon teńge bolatyn 167 áleýmettik-mańyzdy jobany iske asyrý kózdelgen.
Mádenıet jáne sport mınıstrligi oqýshylardyń kanıkýl kezinde respýblıkalyq mýzeılerge, tabıǵat qoryǵy-múzeılerine jáne teatrlarǵa tegin kirýin qamtamasyz etti. Balalar men jastardy shyǵarmashylyq jáne kreatıvti jobalarǵa belsendi tartý úshin óńirlerde 208 kovorkıng-ortalyqtary quryldy. Olardyń kóbisi Almaty qalasynda, Almaty, Shyǵys Qazaqstan, Pavlodar jáne Qaraǵandy oblystarynda ashyldy.
Sonymen qatar, jıynda Qazaqstan Respýblıkasyndaǵy 2030 jylǵa deıingi otbasylyq jáne genderlik saıasat tujyrymdamasyn iske asyrý úshin 2017-2019 jyldarǵa arnalǵan is-sharalar josparynyń Mańǵystaý oblysynda oryndalý barysy týraly másele qaraldy. Turǵyndardyń áleýmettik jaǵdaıy tómen toptaryn qoldaý maqsatynda óńirde iske asyrylyp jatqan «Bıznes 3 kúnde» jobasynyń oń tájirıbesi ataldy. Basty mindet – tabysy tómen otbasylarǵa óz isin ashýǵa kómek kórsetý.
Jıyn sońynda QR Premer-Mınıstriniń orynbasary, Ulttyq komıssııanyń tóraıymy G.Ábdiqalyqova memlekettik organdarǵa birqatar naqty tapsyrmalar berdi.