Prezıdent janyndaǵy ıAdrolyq energetıka agenttigi qurylady - quryltaı

BÝRABAI. KAZINFORM – Qazaqstanda energetıkaǵa qatysty jańa agenttik qurylady. Bul týraly Býrabaıda ótip jatqan Ulttyq quryltaıdyń IV otyrysynda Memleket basshysy Qasym-Jomart Toqaev málim etti.

- Osy mindettiń aıryqsha mańyzdy ekenin eskerip, men Prezıdent janyndaǵy ıAdrolyq energetıka agenttigin qurý týraly sheshim qabyldadym. Biz gaz ben kómir óndirý isindegi múmkindikterimizdi, sondaı-aq jańartylatyn qýat kózderiniń áleýetin tolyq paıdalanýymyz kerek, - dedi Qasym-Jomart Toqaev.

Memleket basshysy Qazaqstanǵa úsh atom elektr stansasyn salý kerek ekenin aıtty.

- Biz úshin el ekonomıkasynyń ondaǵan jyl boıy qarqyndy damýyna berik negiz bolatyn jańa energetıka salasyn qalyptastyrýdyń strategııalyq mańyzy bar. Men, dál sol sebepti, Qazaqstanǵa bir emes, úsh atom elektr stansasyn salyp, aqyrynda tolyqqandy ıadrolyq klaster qalyptastyrý qajet dep esepteımin, - dedi Prezıdent.

Budan buryn habarlanǵandaı, Prezıdent qoǵamda qyzý talqylanyp jatqan salyq reformasyna qatysty pikirin aıtty.