Prezıdent jańadan boı kótergen «Kostanay Plaza» SOSO-da boldy

QOSTANAI. QazAqparat - Búgin Qostanaı oblysyna jumys saparymen barǵan Elbasy Nursultan Nazarbaev «Kostanay Plaza» saýda, oıyn-saýyq ortalyǵynda boldy, dep habarlaıdy QazAqparat Aqordaǵa silteme jasap.

«Memleket basshysy saýda oryndary galereıasy, otbasylyq oıyn-saýyq saıabaǵy, 6 zaly bar kınoteatr jáne taǵamdy jedel ázirleıtin meıramhanasy bar fýdkort ornalasqan jańa saýda jáne oıyn-saýyq ortalyǵyn aralap kórdi.
 

Saýda, oıyn-saýyq ortalyǵynyń jalpy aýmaǵy 25 264 sharshy metrdi quraıdy», - delingen baspasóz habarlamasynda.

Eske salaıyq, búgin jumys saparymen Qostanaıǵa kelgen Elbasy Nursultan Nazarbaev birqatar nysandarda boldy . Atap aıtqanda, Prezıdent «Əýejaı» shaǵynaýdanynda memlekettik baǵdarlamamen salynyp jatqan turǵyn úı qurylysymen tanysty. Shaǵynaýdanda memlekettik-jekemenshik áriptestik aıasynda 900 oryndyq jalpy bilim beretin mektep, sondaı-aq sport jáne oıyn-saýyq kesheniniń qurylysy boı kóterýde.  

Sondaı-aq Memleket basshysy «SaryarqaAvtoProm» zaýytyna bardy. Búgin «SaryarqaAvtoProm» JShS usaqtúıindi óndiris boıynsha jańa tehnologııalyq ədisti iske qosty. Ədis «monokok» dep atalady. Prezıdentke Peugeot, JAC, Iveco jəne basqa da elektromobılder kórsetildi. 

Sheteldik ınvestorlarmen, zaýyt qyzmetkerlerimen ótken kezdesýden keıin Elbasyna Qostanaı oblysynyń ınvestıtsııalyq əleýeti tanystyryldy.