Prezıdent jańa Parlamentke «Quryltaı» degen ataý berýdi usyndy

QYZYLORDA. KAZINFORM —  Quryltaı ataýyn asa mańyzdy memlekettik ınstıtýttyń sımvoly retine saqtap qalýymyz kerek. Bul týraly Memleket basshysy Qasym-Jomart Toqaev Qyzylorda qalasynda ótip jatqan Ulttyq quryltaıdyń V otyrysynda aıtty.

Quryltaı ataýyn asa mańyzdy memlekettik ınstıtýttyń sımvoly retine saqtap qalýymyz kerek. Bul týraly Memleket basshysy Qasym-Jomart Toqaev Qyzylorda qalasynda ótip jatqan Ulttyq quryltaıdyń V otyrysynda aıtty.

- Bolashaq Parlamenttiń ataýy boıynsha pikirimdi aıtsam. Qysqasha aıtqanda Quryltaı degen ataýdy berý kerek dep senemin. Quryltaıdyń tarıhı aıasy da, maǵynasy da halqymyzǵa da túsinikti, jaqyn. Quryltaı otyrystaryn jańǵyrtý bastamasyn men ózim 2022 jyly kóterdim. Bul baıandamanyń basynda Quryltaı jumysynyń tıimdiligi men paıdasyna den qoıdym. Jalpy, elimizdiń saıası júıesinde Quryltaı ataýyn asa mańyzdy memlekettik ınstıtýttyń sımvoly retine saqtap qalýymyz kerek dep oılaımyn, - dedi Prezıdent.

Prezıdent bir palataly Parlament týraly bastamany halyq qoldap otyrǵanyn aıtty.

Osyǵan deıin Qasym-Jomart Toqaevtyń Qyzylorda oblysy ákiminiń jumysyn oń baǵalaǵany týraly jazdyq.