Prezıdent jańa oblys ortalyǵynyń qurylýyna baılanysty birqatar tapsyrmalar júktedi
Aıta keteıik, atalǵan tarıhı oqıǵaǵa baılanysty jazylǵan beıne túsirilimdi AkordaPress áleýmettik jelidegi paraqshasynda jarııalady.
«Qurylyp jatqan aýmaqtardy damytý úshin tez arada naqty is-sharalardyń jol kartasyn ázirleý qajet. Jańa ákimshilik-aýmaqtyq birlik paıda bolǵanyna deıin jaqyn arada tıisti zańnamalyq aktilerge túzetýler men ózgerister engizý kerek. Túrkistanda jańa ákimshilik ǵımarattaryn jáne onda turǵyn úıler salýdy tez arada qolǵa alý qajet», - dep júktedi Prezıdent.
Ótpeli kezeńde barlyq ortalyq, jergilikti memlekettik organdardyń óńirlik bólimsheleriniń úzdiksiz jumysyn Shymkentte qamtamasyz etý qajet ekeni atalyp ótti.
«Búginde oblys ákimdigi Shymkentte ornalasqan. Olar kóshkenge deıin Shymkentte jumystaryn jalǵastyrady, ıaǵnı Túrkistan qalasynda ınfraqurylym men tıisti ǵımarattardy salǵanǵa deıin jumys isteıdi», - dedi Memleket basshysy.
Sonymen qatar N. Nazarbaev memorgandarǵa óńirde týrıstik salany ary qaraı damytý boıynsha sharalardy qabyldaýdy tapsyrdy.
«Oblys ákimi Úkimetpen birlese barlyq máselelerge jan-jaqty taldaý jasap, qysqa merzimde naqty usynystardy engizýi tıis», - dedi Prezıdent.
Budan buryn habarlanǵandaı, QR Prezıdenti Nursultan Nazarbaev «Qazaqstan Respýblıkasynyń ákimshilik-aýmaqtyq qurylysynyń keıbir máseleleri týraly» Jarlyqqa qol qoıdy.
Búgin Elbasy Nursultan Nazarbaev Túrkistan oblysynyń paıda bolýyna baılanysty pikir bildirdi.
Sonymen qatar Memleket basshysy Túrkistan oblys ortalyǵy bolýǵa ábden laıyq ekenin qadap aıtty.
