Prezıdent jańa mınıstrge áskerı basqarý júıesin jetildirýdi tapsyrdy
ASTANA. KAZINFORM — Memleket basshysy Qorǵanys mınıstri Aıdos Myrzahmetovti qabyldady. Bul týraly Aqorda málim etti.
Kezdesýde Prezıdent Qasym-Jomart Toqaev eldiń qorǵanys qabiletin nyǵaıtý, Qarýly Kúshterdiń jaýyngerlik daıyndyǵyn kúsheıtý jáne áskerı basqarý júıesin jetildirý boıynsha naqty tapsyrmalar berdi.
Memleket basshysy áskerı qyzmet qaýipsizdigine basa nazar aýdardy. Prezıdent áskerı qyzmetshilerdiń ómiri men densaýlyǵyn saqtaý barlyq deńgeıdegi qolbasshylyq úshin negizgi basymdyq bolýy kerek ekenin atap ótti.
— Prezıdent kásibı daıarlyqtyń sapasyn arttyrý, áskerı ınfraqurylymdy damytý, qarý-jaraq pen tehnıkany jańǵyrtý, zamanaýı tehnologııalar men tsıfrlyq sheshimderdi engizý jóninde mindetter júktedi, — delingen habarlamada.
Sondaı-aq Memleket basshysy sarbazdardyń boıynda jaýapkershilik, tártip, Otanǵa adaldyq qasıetin qalyptastyrýǵa basa mán bere otyryp, áskerdegi tárbıe jumysyn kúsheıtý qajettigine nazar aýdardy.
Budan bólek, áskerı qyzmetshiler men olardyń otbasyn áleýmettik turǵydan qoldaý máselelerine aıryqsha mán berildi.
Aıta keteıik, Aıdos Myrzahmetov búgin Qorǵanys mınıstri bolyp taǵaıyndaldy.
