Prezıdent jańa depýtattarǵa: Qoǵamǵa paıdasy tıetin sharýamen aınalysý qajet
ASTANA. KAZINFORM – Memleket basshysy Qasym-Jomart Toqaev birinshi shaqyrylymdaǵy Quryltaı depýtattaryna jeke bastyń múddesin emes, el múddesin basty orynǵa qoıýǵa keńes berdi.
– Quryltaıdyń birinshi shaqyrylymy – el damýynyń jańa belesi. Halyq sizderge zor senim artyp otyr. Endi sol senimdi aqtap, qoǵamǵa paıdasy tıetin sharýamen aınalysý qajet, – dedi Qasym-Jomart Toqaev.
Prezıdenttiń aıtýynsha, árbir sheshim eldiń taǵdyryna, memlekettiń bolashaǵyna tikeleı yqpal etedi. Sondyqtan ár qadam baıyppen jasalýǵa tıis.
Jeke bastyń múddesi emes, eldiń múddesi basty orynda turýy kerek.
– Quryltaı memleket pen halyqtyń arasynda dáneker bolyp, ultymyzdy ortaq iske uıystyrýy qajet. Qazaqstan parlamentarızmin damytýǵa eleýli eńbek sińirgen zańǵar jazýshy Ábish Kekilbaevtyń «Eń basty ıgilik – birlik» degen tamasha sózi bar. Shyn máninde, biz yrysty yntymaǵymyzdyń arqasynda memlekettigimizdiń tuǵyryn nyǵaıtyp, nyq senimmen alǵa qadam basyp kelemiz. Bereke birlik bar jerge ǵana turaqtaıdy. Aýyzbirshiligimizdi saqtaı bilsek, áli talaı belesti baǵyndyramyz. Barlyq maqsat-muratymyzǵa jetemiz. Men buǵan kámil senemin, – dedi Memleket basshysy.
Buǵan deıin Q. Toqaev Quryltaıdyń alǵashqy quramyna aıryqsha jaýapkershilik júkteletinin aıtqan edi.
Sheteldik ınvestorlar quıǵan qomaqty qarjy nátıjesinde elimizdiń barlyq óńirinde jańa óndiris nysandary men jumys oryndary ashylyp jatyr.
Sondaı-aq Quryltaı bılik júıesinde irgeli ózgeristerge jol ashady.
