Prezıdent jaqynda tabylǵan Júsipbek Aımaýytulynyń tyń shyǵarmasyna qatysty pikir bildirdi
«Barshańyzǵa málim, qazir Qýǵyn-súrgin qurbandaryn tolyq aqtaý jónindegi memlekettik komıssııa jumys istep jatyr. Osyǵan baılanysty kóptegen arhıv materıaldary zerttelýde. Buryn halqymyzǵa beımálim bolǵan tyń málimetter jaryqqa shyǵyp jatyr. Jaqynda sol qujattardyń ishinen «avtory Júsipbek Aımaýytuly» dep kórsetilgen shyǵarma tabyldy. Muny eki derek kózi rastap otyr. Óleńmen jazylǵan týyndyny sol kezde tárkilengen Alash zııalylary eńbekteriniń bir bóligi deýge negiz bar. Onda ulttyń jany eshqashan ólmeıtini jyrlanǵan. Shyn máninde, qazaqtyń qaısar rýhy eshqashan synbaǵan. Kerisinshe, árbir qıyndyq jurtymyzdyń jigerin janyp, halyqty shyńdaı túsken.
Alash rýhy Qazaq memleketimen birge máńgi jasaıdy. Ulttyń jańa sapasyn qalyptastyryp, álemdegi óz ornymyzdy aıqyndaımyz. Qazaq eliniń Adal azamattary bolyp, Ádiletti Qazaqstandy birge quramyz», - dedi Prezıdent.
Eske salaı keteıik, búgin Túrkistanda Memleket basshysynyń qatysýymen Ulttyq quryltaıdyń ekinshi otyrysy ótip jatyr.
