Prezıdent zeınetaqy júıesin ary qaraı damytý jaıynda aıtty

NUR-SULTAN. QazAqparat – Búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev zeınataqy júıesin ary qaraı damytý jaıynda aıtty, dep habarlaıdy QazAqparat tilshisi.

«Áleýmettik ınfraqurylymnyń negizgi baǵyttarynyń biri – otandyq zeınetaqy júıesi. Atalǵan júıeniń ádiletti, turaqty, halyqtyń múddesine saı qurylýy qajet. Biz óte mańyzdy, biregeı reformany iske qostyq, ıaǵnı zeınetaqy aktıvterin ishinara alý múmkindigi berildi», - dedi Prezıdent.

Sonymen qatar Memleket basshysy túrli tetikter arqyly azamattarǵa ózderiniń jınaqtaryn basqarý múmkindigin usyný kerektigin aıtty.

«Úkimet pen Ulttyq bank zeınetaqy júıesin ary qaraı damytý tujyrymdamasyn daıarlap jatyr. Ony iske asyrý sapaly zańnamalyq qamtamasyz etýdi qajet etedi. Jalpy, áleýmettik saıasatty jetildirý boıynsha Parlamenttiń jańa múshelerinen belsendi jumysty kútemin», - dedi Prezıdent.