Prezıdent zeınetaqy men járdemaqylardy qajetti deńgeıde qamtamasyz etýdi tapsyrdy
ASTANA. QazAqparat - Búgin altynshy saılanǵan QR Parlamentiniń ekinshi sessııasynyń ashylýynda barysyna QR Prezıdenti Nursultan Nazarbaev qazaqstandyqtardyń ómir súrý deńgeıiniń tómendeýine eshbir jaǵdaıda jol bermeýdi tapsyrdy.
Úsh jyldyq merzimge respýblıkalyq týraly zań jobasyn qarastyryp, qabyldaý jumysy bar ekenine toqtalǵan Memleket basshysy, onda jahandyq táýekelder úrdisin eskere otyryp 2017-2019 jyldarǵa arnalǵan bıýdjettik saıasattyń ustanymdary men qadamdary aıqyndalatynyn atap ótti.
Sonymen qatar Prezıdent memleket tarapynan kepildendirilgen áleýmettik paketke shyǵystar kólemin saqtaýdy zańnamalyq turǵyda qamtamasyz etý kerek ekenin qadap aıtty.
«Bul rette bárinen buryn zeınetaqy, járdemaqylarǵa, shákirtaqylarǵa jáne adamdar úshin basqa da áleýmettik tólemderge qatysty bolyp otyr. Qazaqstandyqtardyń ómir súrý deńgeıiniń tómendeýine eshbir jaǵdaıda jol bermeý úshin bıýdjettik saıasatty tıisti dárejede baǵdarlaý qajet»,-dep tapsyrdy N. Nazarbaev.
