Prezıdent zańsyz aktıvterdi qaıtarý máselesi jóninde keńes ótkizdi
Memleket basshysy Qasym-Jomart Toqaev zańsyz ıemdenilgen aktıvterdi qaıtarý máselesi jóninde keńes ótkizdi, dep habarlaıdy QazAqparat.
Jıynǵa Premer-Mınıstr Álıhan Smaıylov, Prezıdent Ákimshiliginiń Basshysy Oljas Bektenov, Ulttyq qaýipsizdik komıtetiniń tóraǵasy Ermek Saǵymbaev, Premer-Mınıstrdiń orynbasary – Syrtqy ister mınıstri Murat Nurtileý jáne Bas prokýratýranyń basshylyǵy qatysty.
Memleket basshysyna keńestiń kún tártibindegi másele boıynsha qabyldanyp jatqan sharalar men buǵan deıin berilgen tapsyrmalardyń oryndalý nátıjeleri týraly baıandaldy.
Qasym-Jomart Toqaev áleýmettik ádildikti qalpyna keltirýge jáne memleketke qaıtarylǵan aktıvterdi elimizdi damytý úshin paıdalanýǵa baǵyttalǵan bul jumystyń mańyzdylyǵyn atap ótti.
Memleket basshysy osy iske jumyldyrylǵan barlyq memlekettik qurylymdardyń jumysyn jandandyrý qajet ekenin aıtty.
Jıyn sońynda Prezıdent birqatar naqty tapsyrma berdi.
