Prezıdent: «Zań men tártip» tujyrymdamasy – elimizdiń jarqyn bolashaǵyn qurý úshin asa mańyzdy tetik

ASTANA. KAZINFORM – Memleket basshysy «Zań men tártip» tujyrymdamasynyń elimizdiń jarqyn bolashaǵyn qurý úshin asa mańyzdy tetik ekenin aıtty. 

- Qazaqstan qaýipsiz el bolýy kerek. Sondyqtan «Zań men tártip» qoǵamymyzdyń basty qaǵıdaty sanalatyn boldy. Osy jumystyń aıasynda jemqorlyqqa qarsy kúresti jalǵastyryp, kúsheıtemiz, onsyz Ádiletti Qazaqstan týraly aıtýdyń ózi qısynsyz, - dedi Qasym-Jomart Toqaev.

Prezıdenttiń sózinshe, sońǵy bes jylda qylmys sany jáne kóshedegi buzaqylyq edáýir azaıǵan, qylmystyq ahýal qatań baqylaýǵa alyndy.

- Turmystyq zorlyq-zombylyq oqıǵalary azaıýda, elimizdiń bul máselege qatysty tájirıbesine sheteldik sarapshylardyń yqylasy kúsheıdi. 

Túptep kelgende, «Zań men tártip» tujyrymdamasy – elimizdiń jarqyn bolashaǵyn qurý úshin asa mańyzdy tetik, - dedi Memleket basshysy.

Aıta keteıik, Qasym-Jomart Toqaev «Ulttyq qor – balalarǵa» baǵdarlamasy óskeleń urpaq úshin jasalǵan úlken qadam ekenin jetkizdi.