Prezıdent zaǵıptar men kórý qabileti buzylǵan jandardyń aqparatqa qol jetkizýin jeńildetetin zańǵa qol qoıdy

ASTANA. KAZINFORM – Memleket basshysy jańa zańǵa qol qoıdy. Bul týraly Aqordanyń baspasóz qyzmeti habarlady.

- Memleket basshysy «Zaǵıptardyń jáne kórý qabileti buzylǵan nemese baspa aqparatyn qabyldaý qabileti ózgedeı shektelgen adamdardyń jarııa etilgen týyndylarǵa qol jetkizýin jeńildetý týraly Marrakesh shartyn ratıfıkatsııalaý týraly» Qazaqstan Respýblıkasynyń Zańyna qol qoıdy, - delingen habarlamada.

Zańnyń mátini baspasózde jarııalanady.

Aıta keteıik, búgin Astanada Prezıdent Qasym-Jomart Toqaevtyń qatysýymen Úkimettiń keńeıtilgen otyrysy ótti. Alqaly jıynda Memleket basshysynyń sóılegen sózi Aqordanyń resmı saıtyna jarııalandy.