Prezıdent ıÝNESKO-nyń burynǵy bas dırektoryn Qoja Ahmet Yasaui ordenimen marapattady
ASTANA. KAZINFORM – Memleket basshysy ıÝNESKO-nyń burynǵy Bas dırektory Odre Azýleni Qoja Ahmet Yasaui ordenimen marapattady. Bul týraly Aqordanyń baspasóz qyzmeti habarlady.
Prezıdent Qasym-Jomart Toqaev Odre Azýleniń ıÝNESKO Bas dırektory retinde atqarǵan qyzmetine joǵary baǵa berdi.
— Sizdiń parasatty ári myqty basshylyǵyńyzben ıÝNESKO dıalog pen yntymaqtastyq alańy retindegi rólin arttyra tústi. Jahanda baǵdarsyzdyq pen qaqtyǵystar beleń alǵan kezde Siz bilim men mádenıet beıbitshilikti nyǵaıtatyn mańyzdy qural ekenin udaıy dáleldep kelesiz. Elimizdiń baı tarıhı jáne mádenı muralaryna nazar aýdarý arqyly ózara seriktestikti keńeıtip, jańa deńgeıge kóterilýine yqpal ettińiz, — dedi Memleket basshysy.
Qasym-Jomart Toqaev Odre Azýle Qazaqstannyń biregeı mádenı qundylyqtaryn, tarıhı eskertkishterin, zııatkerlik muralaryn saqtaýǵa jáne olardyń halyqaralyq deńgeıde tanylýyna erekshe úles qosqanyn atap ótti.
— ıÝNESKO-nyń bastamalary men baǵdarlamalary arqyly álemdik qoǵamdastyq Qazaqstannyń Qoja Ahmet ıAsaýı kesenesinen bastap, Uly dalanyń mádenı keńistigine deıingi qaıtalanbas muralarymen tanys boldy. Sondyqtan Sizge Qoja Ahmet Yasaui ordenin tapsyrý — men úshin zor mártebe. Siz Qazaqstanǵa, ásirese, halqymyz úshin orny aıryqsha ıAsaýı kesenesine qatysty úlken is atqardyńyz, — dedi Qasym-Jomart Toqaev.
ıÝNESKO-nyń burynǵy Bas dırektory Memleket basshysyna joǵary marapat tapsyrǵany úshin alǵys aıtty
– Prezıdent myrza, maǵan kórsetken aıryqsha qurmetińiz úshin rızashylyǵymdy bildiremin. Meniń Qazaqstanǵa alǵashqy saparym Qoja Ahmet ıAsaýı kesenesimen tyǵyz baılanysty. Bul orynnyń tarıhı ǵana emes, rýhanı qundylyǵyn tereń sezindim. Sol sebepti uly oıshyl atyndaǵy ordenmen marapattalǵanyma qýanyshtymyn, – dedi Odre Azýle.
Aıta ketelik birinshi Qoja Ahmet Yasaui ordeni Túrkııa Prezıdentine tabystalǵan edi.
