Prezıdent: «ıAsaýıtaný» ǵylymı ortalyǵyn nemese ınstıtýtyn qurýdy oılastyrýǵa bolady

ASTANA. QazAqparat – «ıAsaýıtaný» ǵylymı ortalyǵyn nemese ınstıtýtyn qurý máselesin oılastyrýǵa bolady. Bul týraly Túrkistanda ótip jatqan Ulttyq quryltaıdyń «Ádiletti Qazaqstan – Adal azamat» atty ekinshi otyrysynda Prezıdent Qasym-Jomart Toqaev aıtty, dep habarlaıdy QazAqparat tilshisi.

«Túrkistandy ıAsaýısiz elestetý múmkin emes. Áıgili ǵulama tutas túrki dúnıesinde ıslam dininiń ornyǵýyna zor úles qosty. ıAsaýıden bastaý alatyn qazaq jerindegi rýhanı sabaqtastyq qazirge deıin úzdiksiz jalǵasyp keledi. Bıyl Qoja Ahmet ıAsaýıdiń týǵanyna 930 jyl tolyp otyr. Osy oraıda, ǵulamanyń eńbekterin jan-jaqty zerttep, dáripteý mańyzdy. «ıAsaýıtaný» ǵylymı ortalyǵyn nemese ınstıtýtyn qurý máselesin oılastyrýǵa bolady», - dedi Prezıdent.