Prezıdent Yandex kompanııasynyń tsıfrlyq transformatsııaǵa qosqan úlesine joǵary baǵa berdi
ASTANA. KAZINFORM — Memleket basshysy «ıAndeks Global» kompanııasynyń bas dırektory Danııl Shýleıkony qabyldady, dep habarlaıdy Aqordanyń baspasóz qyzmeti.
Kezdesý barysynda Yandex Qazaqstan kompanııasy qyzmetiniń negizgi baǵyttary men josparlary qarastyryldy. Atap aıtqanda, kompanııanyń ınternet-platforma arqyly halyqty jumyspen qamtý jáne jasandy ıntellekt tehnologııasyn damytý bastamalaryna aıryqsha nazar aýdaryldy.
Qasym-Jomart Toqaev Yandex Qazaqstan kompanııasynyń tsıfrlyq transformatsııaǵa, shaǵyn jáne orta bıznesti qoldaýǵa, azamattardyń ómir súrý sapasyn jaqsartýǵa qosqan úlesine joǵary baǵa berdi.
Budan bólek, mádenı murany ozyq tehnologııalarmen ıntegratsııalaý máselesi talqylandy. Prezıdent jasandy ıntellekt qarqyndy damyp jatqan kezeńde mádenı biregeılikti saqtaýdyń, sonymen qatar qazaq tili men mádenıetin tsıfrlyq keńistikte ilgeriletýdiń máni zor ekenin atap ótti.
— Óz kezeginde Danııl Shýleıko platforma arqyly jumyspen qamtý jobasy nátıjesinde 65 myńnan astam avtokólik júrgizýshisi «ıAndeks. Taksı» seriktesi retinde áleýmettik qorǵaýǵa ıe bolǵanyn jetkizdi. 2024 jyly kompanııa elimizge 29,5 mıllıard teńge kóleminde salyq tólegen, al 2016 jyldan beri Qazaqstan ekonomıkasyna 225 mıllıard teńgeden astam ınvestıtsııa quıǵan. Sonymen qatar «ıAndeks Global» basshysy Astanada jańa ınnovatsııalyq jobalardy iske qosý jospary jóninde baıandap, AI-Sana baǵdarlamasyna atsalysýǵa daıyn ekenin rastady, — delingen habarlamada.
Buǵan deıin Prezıdent legıonerlerdi bıýdjetten qarjylandyrýǵa tyıym salatyn zańǵa qol qoıǵanyn jazǵan edik.