Prezıdent «ıAlla» ansambliniń kórkemdik jetekshisi Farrýh Zakırovti quttyqtady
ASTANA. KAZINFORM – Memleket basshysy Qasym-Jomart Toqaev Ózbekstan men Qazaqstannyń halyq ártisi Farrýh Zakırovti 80 jasqa tolýymen quttyqtady.
– Týma talantyńyzdyń, sarqylmas kúsh-qýatyńyz ben erekshe eńbekqorlyǵyńyzdyń arqasynda shyǵarmashylyǵyńyzǵa tánti mıllıondaǵan tyńdarmannyń yqylasyna bólendińiz. Sizdiń ónerińiz jyldar boıy birneshe býyn urpaq pen halyqtardy baýrady. Qazaqstanda qaıtalanbas daýysyńyzdy jáne tutas dáýirdiń mádenı fenomenine aınalǵan áıgili «ıAlla» ansambliniń oryndaýyndaǵy tanymal ánderdi jaqsy kóredi, – dep jazylǵan jedelhatta.
Qasym-Jomart Toqaev mádenıet pen mýzyka ónerin damytýǵa, sondaı-aq halyqtar arasyndaǵy dostyqty nyǵaıtýǵa qosqan eleýli úlesi úshin Farrýh Zakırovti ІІ dárejeli «Dostyq» ordenimen marapattady.
Aıta keteıik, tórt memlekettiń elshisi Prezıdentke senim gramotalaryn tapsyrdy.
