Prezıdent volonterlerdi búginginiń batyryna teńedi

ASTANA. QazAqparat – Qoǵamdy qozǵaý – ómirlik ustanymy belsendi, jaýapkershiligi joǵary adamdardyń qolynan keletin is. Memleket basshysy Qasym-Jomart Toqaev Halyqaralyq volonterler forýmynda osyndaı oı aıtty, dep habarlaıdy QazAqparat tilshisi.

«Eriktilik pen qaıyrymdylyq dástúrleri qoǵamnyń damýy men jetilýiniń negizi bola alady. Belsendi ómirlik ustanymy bar jáne jaýapkershiligi joǵary adamdar óz eli men qoǵamyn ózgertetin draıver bola alady. Bizdiń árqaısymyzdyń qanymyzda meıirimdilik geni bar. Sony oıatyp, bıik maqsattarǵa paıdalana bilý kerek», - dedi Qasym-Jomart Toqaev.

Prezıdent volonterlerdi búginginiń batyryna teńedi.

«Qoǵamnyń aldyńǵy sapynda júrgendikten sizderdi naǵyz qaharmandar, búgingi álemniń úlgi tutar beınesi deýge bolady. Muqtaj jandarǵa tynymsyz kómek kórsetip júrgenderińizdi, bilimińiz ben tájirıbeńizdi ózgemen bólisýge degen umtylystaryńyzdy erekshe ataý qajet. Sizderdiń kishipeıildilikterińiz qurmet pen qoshemetke laıyq. Volonterlik qundylyqtardy nasıhattap, basqalardy atsalysýǵa yntalandyrý úshin sizderdiń jumystaryńyzdyń mańyzdy ekenin, tabysty nátıjelerdi árdaıym atap otyrý kerek», - dedi Memleket basshysy.

Prezıdent osyǵan deıin eriktilerdi barynsha qoldaıtynyn aıtqan bolatyn.