Prezıdent Vladımır Pýtınmen telefon arqyly sóılesti
ASTANA. KAZINFORM — Qasym-Jomart Toqaev Reseı Federatsııasynyń Prezıdenti Vladımır Pýtınmen telefon arqyly sóılesti. Bul týraly Aqorda málim etti.
— Memleketter basshylary Qazaqstan men Reseı arasyndaǵy yntymaqtastyq strategııalyq seriktestik jáne odaqtastyq rýhynda dáıekti túrde damyp kele jatqanyn atap ótip, ekijaqty baılanystardyń qazirgi jaı-kúıi men perspektıvasyn talqylady, — delingen habarlamada.
Qasym-Jomart Toqaev pen Vladımır Pýtın saýda-ekonomıkalyq, sonyń ishinde energetıka, ónerkásip jáne kólik salalary boıynsha buǵan deıin qol jetkizilgen ýaǵdalastyqtardyń júzege asyrylýyn qarastyrdy. Mádenı-gýmanıtarlyq baılanystardyń nyǵaıyp kele jatqanyna mán berildi.
Áńgimelesýde Qazaqstan Prezıdentiniń Reseı Federatsııasyna jasaıtyn memlekettik saparyna daıyndyq barysyna erekshe nazar aýdaryldy.
Sondaı-aq taraptar óńirlik jáne halyqaralyq kún tártibiniń ózekti máseleleri jóninde pikir almasty.
Eske sala keteıik, buǵan deıin Memleket basshysy Reseı prezıdenti Vladımır Pýtınmen telefon arqyly sóılesip, AQSh Prezıdenti Donald Tramppen Ankorıdjde ótken kezdesý qorytyndysymen quttyqtaǵan bolatyn.