Prezıdent veıpter jóninde: Jastar ózderine úlken qaýip tóndirip jatyr

ASTANA. QazAqparat – Jastar ózderine úlken qaýip tóndirip jatyr. Óıtkeni, veıpter zııandy jáne odan keıin esirtkige bet burý qateri joǵary. Túrkistanda ótip jatqan Ulttyq quryltaıda Prezıdent Qasym-Jomart Toqaev osylaı málim etti, dep habarlaıdy QazAqparat tilshisi.

«Ulttyń densaýlyǵyna qaýip tóndiretin taǵy bir qater – bul veıpter jáne elektrondy temekiniń ártúrli nusqalary. Ókinishke qaraı, olardy qoldaný jasóspirimder arasynda sánge aınaldy. Buǵan olardyń keń qoljetimdiligi jáne olardyń zııansyzdyǵy týraly agressıvti jarnamalar yqpal etedi. Al shyn máninde, jastar ózderine úlken qaýip tóndiredi. Óıtkeni, veıpter zııandy jáne odan esirtkige bet burý qateri joǵary. Osy qaýipti qubylyspen kúresý úshin júıeli ári shuǵyl sharalar qabyldaý qajet», - dep tapsyrma júktedi Qasym-Jomart Toqaev.

Eske salaı keteıik, búgin Túrkistanda Memleket basshysynyń qatysýymen Ulttyq quryltaıdyń ekinshi otyrysy ótip jatyr.