Prezıdent Vetnam Kommýnıstik Partııasy Ortalyq komıtetiniń Bas hatshysyna kóńil aıtty

ASTANA. KAZINFORM – Memleket basshysy Vetnam Kommýnıstik Partııasy Ortalyq komıtetiniń Bas hatshysy To Lamǵa kóńil aıtý jedelhatyn joldady. Bul týraly Aqordanyń baspasóz qyzmeti habarlady. 

Onda Prezıdent Qasym-Jomart Toqaev Vetnamda bolǵan «Vıfa» taıfýnynan kóptegen adamnyń qaza tapqany jáne zardap shekkeni týraly habardy tereń kúızelispen qabyldaǵanyn jetkizgen. 

– Osyndaı aýyr sátte qaıǵy-qasiretterińizge ortaqtasyp, Sizge jáne jaqyndarynan aıyrylǵan azamattarǵa, sondaı-aq dostas Vetnam halqyna kóńil aıtamyn. Tabıǵı apattan jaraqat alǵandardyń tez arada saýyǵyp, aman-esen otbasylaryna oralýyna tilektestigimdi bildiremin, - delingen jedelhatta. 

Eske sala keteıik, buǵan deıin Memleket basshysynyń jańa Salyq kodeksine qol qoıǵanyn jazǵan edik.