Prezıdent Vera Sıdorovanyń dúnıeden ótýine baılanysty kóńil aıtý jedelhatyn joldady
ASTANA. KAZINFORM — Prezıdent kórnekti memleket jáne qoǵam qaıratkeri Vera Sıdorovanyń dúnıeden ótýine baılanysty kóńil aıtý jedelhatyn joldady. Bul týraly Aqordanyń baspasóz qyzmeti habarlady.
Qasym-Jomart Toqaev kórnekti memleket jáne qoǵam qaıratkeri, Sotsıalıstik Eńbek Eri Vera Sıdorovanyń qaıtys bolýyna baılanysty onyń otbasy men týǵan-týystaryna kóńil aıtty.
– Vera Vasılevna ǵıbratty ǵumyrynda qatardaǵy agronomnan bastap Qazaq KSR Joǵarǵy Keńesi Prezıdıýmy tóraǵasynyń mindetin atqarýshyǵa deıingi eńbek jolynan ótti. Ol qazaq dalasyndaǵy tyń ıgerýge, elimizdiń áleýmettik-ekonomıkalyq damýyna eleýli úles qosty. Vera Vasılevnany adamgershilik jáne ómirlik ustanymyna berik qasıetteri erekshelep turatyn. 1986 jylǵy Jeltoqsan oqıǵasy kezinde stýdentterge kómek kórsetýi onyń shyn máninde patrıot ári ádildik úshin kúreste taısalmaıtyn tulǵa ekenin dáleldeıdi, – dep jazylǵan jedelhatta.
Aıta ketelik búgin Memleket basshysy belgili jýrnalıst Lev Tarakovtyń jaqyn-jýyqtaryna kóńil aıtqan edi.