Memleket basshysy Vashıngtonǵa jumys saparymen bardy
ASTANA. KAZINFORM — Prezıdent Qasym-Jomart Toqaev Vashıngtonǵa jumys saparymen bardy, dep habarlaıdy Aqorda.
Sapar aıasynda Memleket basshysy Beıbitshilik keńesiniń alǵashqy otyrysyna qatysyp, birqatar eldiń kóshbasshylarymen, sondaı-aq AQSh-tyń resmı tulǵalarymen kezdesý ótkizedi.
Eske sala keteıik, buǵan deıin 18-19 aqpan kúnderi Memleket basshysy Qasym-Jomart Toqaev AQSh Prezıdenti Donald Tramptyń shaqyrýymen Beıbitshilik keńesiniń alǵashqy otyrysyna qatysý úshin Vashıngtonǵa jumys saparymen baratyny habarlanǵan.
Sammıt barysynda Gaza sektoryndaǵy ahýaldy turaqtandyrý máselesine basa mán beriledi. Atap aıtqanda, beıbitshilik ornatý, qaýipsizdikti qamtamasyz etý jáne gýmanıtarlyq kómek jetkizý boıynsha naqty sharalar ázirleýge den qoıylady.
Sonymen qatar sapar aıasynda Qasym-Jomart Toqaev amerıkalyq iri kompanııalardyń jetekshilerimen birqatar kezdesý ótkizedi.
Aıta keteıik, ótken jyldyń sońynda Tramp Toqaev pen Qazaqstandy Beıbitshilik keńesine shaqyrdy.