Prezıdent Vashıngtonda otandastarymyzben kezdesti
ASTANA. KAZINFORM – Vashıngtonda Prezıdent Qasym-Jomart Toqaev Amerıka Qurama Shtattarynda turatyn jáne bilim alyp júrgen Qazaqstan azamattarymen kezdesti. Bul týraly Aqordanyń baspasóz qyzmeti habarlady.
Áńgimelesý barysynda Qasym-Jomart Toqaev óskeleń urpaqqa úlken úmit artatynyn aıtty. Sondaı-aq memleket jastarǵa udaıy qoldaý kórsetip, olardyń jan-jaqty damýyna jáne qabilet-qarymyn ushtaýǵa qolaıly jaǵdaı jasaıtynyn jetkizdi.
Prezıdent naýryz aıynda Qazaqstan Respýblıkasynyń jańa Konstıtýtsııasy jobasy boıynsha ótetin jalpyhalyqtyq referendýmnyń el bolashaǵy úshin tarıhı mańyzy zor ekenine nazar aýdardy.
Stýdentter men jas zertteýshiler ǵylym jáne bilim salasyna jan-jaqty qoldaý kórsetkeni úshin Qasym-Jomart Toqaevqa rızashylyq bildirdi.
Eske sala keteıik, buǵan deıin Memleket basshysynyń Vashıngtonǵa jumys saparymen barǵanyn jazǵan edik.