Prezıdent V Dúnıejúzilik kóshpendiler oıyndaryna daıyndyq jóninde keńes ótkizdi

ASTANA. KAZINFORM - Jıynda Ulttyq quramanyń, sport keshenderdiń, qonaq úıler men mádenıet oryndarynyń daıyndyq barysy, sondaı-aq qoǵamdyq kólik, qaýipsizdik jáne tazalyq máseleleri pysyqtaldy.

Memleket basshysy Kóshpendiler oıyndary ulttyq sport túrleri boıynsha ótkiziletin álemdegi eń iri jarys ekenin atap ótip, ony joǵary deńgeıde uıymdastyrý, halqymyzdyń tereń tarıhy men mádenıetin, qonaqjaılylyǵyn kórsetý, meımandar men sportshylarǵa qajetti jaǵdaı jasaý mańyzdy ekenine nazar aýdardy.

Keńeste Premer-Mınıstrdiń birinshi orynbasary Roman Sklıar, Premer-Mınıstrdiń orynbasary – Syrtqy ister mınıstri Murat Nurtileý, Týrızm jáne sport mınıstri Erbol Myrzabosynov, Astana qalasynyń ákimi Jeńis Qasymbek, Mádenıet jáne aqparat mınıstri Aıda Balaeva, Іshki ister mınıstri Erjan Sádenov, Densaýlyq saqtaý mınıstri Aqmaral Álnazarova baıandama jasady