Prezıdent V AEF sheńberinde Búkiálemdik zııatkerik menshik uıymynyń Bas dırektory F. Garrımen kezdesti
Bul týraly Prezıdenttiń baspasóz qyzmetinen habarlady.
Kezdesý barysynda Qazaqstan Prezıdenti bizdiń elimiz BZMU-men yntymaqtastyqqa úlken mán beretinin atap ótti.
«Biz avtorlyq quqyqty qorǵaýǵa baǵyttalǵan birqatar sharalar qabyldadyq jáne bizdiń zańnamamyzǵa belgili bir túzetýler engizildi. Qazaqstannyń aldaǵy ýaqytta BSU-ǵa kirýine baılanysty osy máselelerge qatysty sizderdiń usynystaryńyz biz úshin óte mańyzdy», - dedi Nursultan Nazarbaev.
Óz kezeginde F.Garrı Qazaqstannyń avtorlyq quqyqty qorǵaý isinde úlken nátıjege qol jetkizgenin atap ótti.
Búkilálemdik zııatkerik menshik uıymy (BZMU) BUU-nyń arnaıy mekemesi jáne zııatkerlik menshikti damytý men paıdalaný jónindegi jetekshi úkimetaralyq uıym bolyp tabylady. Búginde BZMU quramyna oǵan múshe 185 el, 69 úkimetaralyq uıym jáne 284 úkimettik emes uıym kiredi.
Qazaqstan 2003 jyly uıymnyń Konventsııasyn qabyldaý arqyly BZMU quramyna múshe bolyp endi. Qazaqstan Úkimeti men BZMU arasyndaǵy ekijaqty yntymaqtastyq baǵdarlamasyna sáıkes birlesken kúsh zııatkerlik menshik salasyndaǵy ulttyq zańnama men QR quqyqty qoldaný tájirıbesin jetildirýge baǵyttalǵan.
Sońǵy eki jylda Qazaqstan tarapynan halyqaralyq sharttar men BZMU konventsııasyn ratıfıkatsııalaǵan myna tómendegideı zańdarǵa qol qoıyldy: «Patent quqyǵy týraly shartty ratıfıkatsııalaý týraly», «Oryndaýshylardyń, fonogramma jasaýshylardyń jáne habar taratý uıymdarynyń quqyqtaryn qorǵaý týraly halyqaralyq konventsııany ratıfıkatsııalaý týraly», «Taýar tańbalary jónindegi zańdar týraly Sıngapýr shartyn ratıfıkatsııalaý týraly».
