Prezıdent usynǵan jańa qazaqstandyq arman - búkil halyqtyń armany bolyp otyr - Q. Toqaev

ASTANA. QazAqparat - Prezıdent usynǵan jańa qazaqstandyq arman - búkil halyqtyń armany bolyp otyr. Búgin Parlament Senatynyń jalpy otyrysynda spıker Qasym-Jomart Toqaev QR Prezıdenti N. Nazarbaevtyń «Ult jospary - qazaqstandyq armanǵa bastaıtyn jol» atty baǵdarlamalyq maqalasyna qatysty pikirin osylaı bildirdi.

«Elbasy memleketti nyǵaıtýmen qatar, jańa Qazaqstandyq armanǵa qol jetkizýdiń naqty tetikterin aıqyndap berdi. Otandastarymyz Elbasynyń jańa eńbegine qyzý qoldaý bildirýde, halyqaralyq sarapshylar tarapynan da joǵary baǵa berilip jatyr. Prezıdent usynyp otyrǵan jańa qazaqstandyq arman búkil halyqtyń armany bolyp otyr», - dedi Q. Toqaev.

Sonymen qatar, spıker Elbasy Parlament pen Úkimettiń teńdessiz jumysyn joǵary baǵalaǵanyn atap ótti. Onyń aıtýynsha, aldyda turǵan mindetterdi júzege asyrý Qazaqstandy, onyń ekonomıkasyn, jalpy memleket pen qoǵamdy túbegeıli ózgertetin tarıhı mindetterdi sheshýge dańǵyl jol salatyny sózsiz. «Jahandyq álemde qalyptasyp otyrǵan qubylmaly jaǵdaıǵa qaramastan, jańǵyrtýdyń keshendi sharalaryn iske asyrý barshamyzǵa aıryqsha jaýapkershilik júkteıdi. Osy oraıda Senat depýtattary Elbasy tapsyrmalaryn oryndaýǵa belsene qatysady dep kámil senemin», - dedi spıker Q. Toqaev.