Prezıdent ústel tennısinen Azııa chempıonatynyń fınaldyq oıyndaryn tamashalady
ASTANA. KAZINFORM - Qasym-Jomart Toqaev Astana qalasynda ótken ústel tennısinen Azııa chempıonatynyń jekeleı jáne juptyq syndardaǵy fınaldyq oıyndaryn kórdi. Bul týraly Aqordanyń baspasóz qyzmeti habarlady.
Atalǵan birinshilikke 26 eldiń 210 sportshysy qatysty. Olardyń qatarynda Olımpıada jáne álem chempıondary da bar.
Aıta keteıik, Astanada ústel tennısinen Azııa chempıonatynda erler arasyndaǵy komandalyq báseke óz máresine jetti.
Fınaldyq saıysta Qytaı quramasy men qytaılyq Taıbeı quramasy ózara myqtyny anyqtady.
Qazaqstan erler komandasy 7-8 oryn úshin saıysta Irandy 3:1 esebimen jeńip, shırek fınalda Úndistanǵa jol bergen bolatyn.
Buǵan deıin habarlaǵanymyzdaı, áıelder arasyndaǵy komandalyq básekede Japonııa jeńimpaz atansa, Qytaı quramasy ekinshi oryn ıelendi.
