Prezıdent úshin ózgelerdiń emes, óz halqynyń oı-pikiri áldeqaıda mańyzdy - senator S.Jalmaǵambetova
ANA. 28 qańtar. QazAqparat /Aıdar Ospanalıev/ - «Kez-kelgen memlekettiń basshysy úshin onyń ózi jónindegi halqynyń pikiri asa mańyzdy», - deıdi Senat depýtaty Svetlana Jalmaǵambetova.
Bul pikirin ol búgin Parlament palatalarynyń birlesken otyrysynda Elbasynyń Qazaqstan halqyna Joldaýy jarııalanǵannan keıin jýrnalısterdiń saýaldaryna jaýap berý kezinde málim etti.
«Men Prezıdent ózin osynshama azamat qoldap otyrǵandyǵyna yrza degen oıdamyn. Kez-kelgen basshy, kez-kelgen lıder halyqtyń ózin osynshama qoldap, senim artyp otyrǵandyǵyna sóz joq maqtanady. Al referendým jónindegi ózgelerdiń syn-eskertpelerine keletin bolsaq, Prezıdent úshin ózgelerdiń emes, óz halqynyń oı-pikiri áldeqaıda mańyzdy», - deıdi depýtat.
