Prezıdent ushaq apatyna baılanysty Pýtınge kóńil aıtty

ASTANA. KAZINFORM — Reseı Federatsııasynyń Amýr oblysynda jolaýshylar ushaǵy apatqa ushyraýyna baılanysty Memleket basshysy Qasym-Jomart Toqaev Reseı Prezıdenti Vladımır Pýtınge kóńil aıtý jedelhatyn joldady. Bul týraly Aqorda málim etti.

— Memleket basshysy Qasym-Jomart Toqaev Amýr oblysyndaǵy ushaq apatyna baılanysty Reseı Federatsııasynyń Prezıdenti Vladımır Pýtınge kóńil aıtty, — delingen habarlamada.

Eske sala keteıik, búgin tańda Amýr oblysynda An-24 ushaǵynyń qulaǵan jeri anyqtalǵan bolatyn. 

Apatqa ushyraǵan An-24 ushaǵynyń synyqtary Tyndadan 16 shaqyrym jerdegi taý baýraıynan tabylǵanyn Amýr azamattyq qorǵanys jáne órt qaýipsizdigi ortalyǵy málimdegen edi.

Amýr oblysynda joǵalǵan An-24 jolaýshylar ushaǵy Tynda áýejaıyna qonýǵa ekinshi aınalymnan keıin baılanysqa shyqpaı qoıǵan.