Prezıdent UOS ardageri Ábdiǵalı Qaımoldınniń otbasyna kóńil aıtý jedelhatyn joldady

ASTANA. KAZINFORM — Memleket basshysy Qasym-Jomart Toqaev Uly Otan soǵysynyń ardageri, «Halyq qaharmany» Ábdiǵalı Qaımoldınniń dúnıeden ótýine baılanysty onyń otbasy men jaqyn týystaryna kóńil aıtty. 

«Ábdiǵalı Qaımoldın jastaı maıdan dalasyna attanyp, eren erligimen jeńisti jaqyndatýǵa zor úles qosqan batyr tulǵa boldy. Beıbit kezeńde memlekettik jáne qoǵamdyq isterge belsene aralasyp, el ıgiligi jolynda uzaq jyl qyzmet etti. Ǵasyr jasap, sońyna ónegeli jol qaldyrǵan Ábdiǵalı Qaımoldınniń jarqyn beınesi men esimi umytylmaıdy. Imany salamat, jany jannatta bolsyn», – dep jazylǵan jedelhatta.

Aıta keteıik, 2023 jyly Abaı oblysynyń ákimi Ábdiǵalı Qaımoldınge Altyn juldyz ben «Otan» ordenin tabystaǵany habarlanǵan.