Prezıdent Úndistannyń Respýblıka kúnine baılanysty quttyqtaý jedelhatyn joldady
ASTANA. KAZINFORM — Memleket basshysy Premer-mınıstr Narendra Modıǵa Úndistannyń Respýblıka kúnine baılanysty quttyqtaý jedelhatyn joldady. Bul týraly Aqordanyń baspasóz qyzmeti habarlady.
Qazaqstan Prezıdenti quttyqtaýynda Premer-mınıstrdiń dana basshylyǵynyń arqasynda Úndistan senimdi túrde alǵa qaraı qadam basyp, ekonomıkany damytýda jáne azamattardyń turmys sapasyn arttyrýda aıtarlyqtaı tabysqa jetkenin atap ótken.
Qasym-Jomart Toqaev Narendra Modıdiń memlekettik qyzmetine tabys, al dostas Úndistan halqyna baq-bereke tiledi.
