Prezıdent Úndistan Premer-mınıstrin Respýblıka kúnimen quttyqtady
ASTANA. KAZINFORM — Prezıdent Qasym-Jomart Toqaev Úndistan Premer-mınıstri Narendra Modıge Respýblıka kúnine oraı quttyqtaý joldady, dep habarlaıdy Aqordanyń baspasóz qyzmeti.
Memleket basshysy Úndistannyń demokratııalyq damýyndaǵy eleýli progress pen áleýmettik-ekonomıkalyq, sondaı-aq tehnologııalyq salalardaǵy jetistikterin atap ótti.
Qasym-Jomart Toqaev Narendra Modıge dostas Úndistan halqynyń ıgiligi men órkendeýi jolyndaǵy jaýapty memlekettik qyzmetine tabys tiledi.
Prezıdent berik dostyq baılanystar men strategııalyq seriktestikke negizdelgen qazaq-úndi qatynastarynyń erekshe sıpatyna nazar aýdaryp, eki eldiń jan-jaqty yntymaqtastyǵy odan ári nyǵaıa túsetinine senim bildirdi.
Osyǵan deıin habarlanǵandaı, Qasym-Jomart Toqaev Aleksandr Lýkashenkony Prezıdent saılaýyndaǵy jeńisimen quttyqtady.
