Prezıdent Úndistan Premer-mınıstrin Qazaqstanǵa memlekettik saparmen kelýge shaqyrdy
NЬıÝ-DELI. KAZINFORM — Narendra Modı BRIKS sammıtine qatysqany úshin Memleket basshysyna alǵys aıtyp, Qasym-Jomart Toqaev kótergen bastamalar men usynystardyń ózektiligine nazar aýdardy, dep habarlaıdy Aqordanyń baspasóz qyzmeti.
Úndistan Premer-mınıstri Qazaqstanmen dostyqqa jáne ózara senimge negizdelgen qarym-qatynasty joǵary baǵalaıtynyn jetkizdi.
Kóshbasshylar ekijaqty kún tártibindegi naqty máselelerdi, sonyń ishinde energetıka, tsıfrlandyrý, bilim jáne týrızm salalaryndaǵy yntymaqtastyq joldaryn talqylady.
Narendra Modıdiń aıtýynsha, eki eldiń joǵary tehnologııa jáne kreatıvti ındýstrııa baǵyttaryndaǵy áleýeti mol. Osy oraıda, Astana Hub jáne Haıdarabad tehnologııalyq ekojúıeleri arasyndaǵy seriktestiktiń keleshegi zor.
Úndistan Premer-mınıstri Qazaqstannyń ókilderin, ásirese, jastardy kelesi jyly Mýmbaıda ótetin WAVES Kreatıvti ındýstrııa sammıtine qatysýǵa shaqyrdy.
Taraptar Úndi eli men Eýrazııalyq ekonomıkalyq odaq arasyndaǵy yntymaqtastyqty damytý múmkindikterin qarastyrdy.
Qasym-Jomart Toqaev Qazaqstan EAEO Tóraǵasy retinde Uıym men Úndistan arasynda erkin saýda aımaǵyn qurý jóninde kelissózder júrgizýdi quptaıtynyn jáne ony ilgeriletýge yqpal etýge daıyn ekenin aıtty.
Memleket basshysy Úndistan Premer-mınıstrin Qazaqstanǵa memlekettik saparmen kelýge shaqyrdy.
Buǵan deıin Memleket basshysy «BRIKS plıýs» sammıtine qatysqanyn jazǵan edik.
