Prezıdent úndeýi Qazaqstan kelesheginiń jasampazdyǵyn kórsetedi - Sydyqov

ASTANA. QazAqparat - QR Prezıdenti Nursultan Nazarbaevtyń bılik tarmaqtary arasyndaǵy ókilettikterdi bólý jónindegi úndeý Qazaqstan kelesheginiń jasampazdyǵyn kórsetedi. Bul pikirdi L.Gýmılev atyndaǵy Eýrazııa ulttyq ýnıversıtetiniń rektory Erlan Sydyqov bildirdi, dep habarlaıdy QazAqparat.

«Jalpy, Uly dalada dúnıege kelgen máńgilik elimizdiń tarıhyndaǵy eń iri saıası, tarıhı oqıǵalardyń biri Elbasy úndeýimen baılanysty bolyp otyr. Bul úndeýdi 25 jylda biz aıaǵymyzdan nyq turdyq, qanatymyzdy jaıdyq, dep túsiný qajet. Jalpy, Memleket basshysy osy úndeýi arqyly elimizdiń sapaly demokratııalyq baǵytta damýdyń jańa ekinshi kezeńine aıaq basqanyn jarııalap otyr. Ekinshiden, aldaǵy bolatyn saıası ózgerister eldiń ishindegi saıası bıliktiń yntasymen, Elbasynyń óz usynysymen engizilgeli otyr. Bul degenińiz elimizdiń kelesheginiń ómirsheńdigin, jasampazdyǵyn kórsetedi», - dedi Erlan Sydyqov.   

Aıta keteıik, keshe QR Prezıdenti Nursultan Nazarbaev otandyq telearnalar arqyly bılik tarmaqtary arasynda ókilettikterdi bólý máseleleri jónindegi úndeýin jarııa etti . Onda Prezıdenttiń  áleýmettik-ekonomıkalyq protsesterdi retteýdegi birshama ókiletterin Úkimetke jáne basqa da atqarýshy organdarǵa berý, Úkimetti jasaqtaýda Parlamenttiń rólin kúsheıtý qarastyrylǵan.