Prezıdent ulttyq múddege, halyqqa degen adaldyǵyn kórsetti - Ulyqbek Esdáýlet

ALMATY. QazAqparat - Prezıdenttiń bıylǵy joldaýy erekshe boldy. Buryn jabylyp qalǵan oblystardy qaıta qurý týraly sheshimi halyqtyń kóńilin kóterip, rýhtandyryp jiberdi. Mundaı pikirdi aqyn, Qazaqstan jazýshylar odaǵynyń tóraǵasy Ulyqbek Esdáýlet bildirdi, dep habarlaıdy QazAqparat tilshisi.

«Prezıdenttiń bıylǵy joldaýy erekshe boldy. Buryn jabylyp qalǵan oblystardy qaıta qurý týraly sheshimi halyqtyń kóńilin kóterip, rýhtandyryp jiberdi. Semeıdi - Abaı, Taldyqorǵandy - Jetisý, Jezqazǵandy - Ulytaý, Almaty oblysynyń ortalyǵyna D. Qonaevtyń atyn berýdi usyndy. Men bul úlken qadam jáne jaqsy jańalyq boldy dep oılaımyn. Memleket basshysy turǵyndardyń kókeıinde júrgen alýan túrli saýalǵa jaýap berdi»,- deıdi aqyn.

Sonymen qatar, ol Prezıdenttiń Qazaqstan halqyna Joldaýyn iske asyrý úshin Konstıtýtsııaǵa 30-dan astam ózgeris engiziletinin tilge tıek etti.

«Konstıtýtsııaǵa 30-dan astam ózgeris engiziletin boldy. Bul da batyl qadam. Sonyń ishinde tilge qatysty zań qabyldansa eken degen tilek bar. Prezıdent Qasym–Jomart Toqaev ulttyq múddege, halyqqa degen adaldyǵyn taǵy bir márte kórsetti. Qaıtalap aıtam, Memleket basshysynyń búgingi joldaýy halyqtyń eńsesin kóterip, Qazaqstannyń damýyna úles qosýǵa degen qulshynysyn oıatty»,- deıdi Qazaqstan jazýshylar odaǵynyń tóraǵasy Ulyqbek Esdáýlet .