Prezıdent: Ulttyq qorǵa balama ınstıtýttardy qurýǵa ruqsat berilmeıdi

NUR-SULTAN. QazAqparat – Ulttyq qorǵa balama bolatyn qosymsha ınstıtýttardy qurýǵa ruqsat berilmeıdi. Bul týraly búgin Úkimettiń keńeıtilgen otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Elbasynyń bastamasymen qurylǵan Ulttyq qor balamasyz ınstıtýt bolyp sanalady. Qandaı da bir qosymsha qorlardy qurýǵa jol berilmeıdi jáne ruqsat etilmeıdi. Bul maqsat Úkimet, Ulttyq qor jáne jańadan qurylǵan agenttik aldynda tur dep oılaımyn», - dedi Prezıdent.

Osy oraıda, Memleket basshysy Ulttyq qor - ol osyndaı jalǵyz ınstıtýt ekenin qadap aıtty.