Prezıdent Ulttyq qordyń qarjysyn júıeli jumsaýdy tapsyrdy

ASTANA. QazAqparat – Memleket basshysy Ulttyq qordyń esebinen júzege asyrylatyn jobalardy jan-jaqty saraptaý kerektigin aıtty, dep habarlaıdy QazAqparat tilshisi.

«Endigi mindet - naqty sektordy nesıelendirýdiń jyl saıynǵy ósimin 20% jáne odan joǵary deńgeıde qamtamasyz etý. Ekonomıkany qarjylandyrýdyń áleýetti kózderi týraly pikirtalasta Ulttyq qordyń qarajatyn paıdalaný taqyryby jıi qozǵalady. Sarapshylar qordyń jınaq jáne damý róli arasyndaǵy tepe-teńdik týraly daýlasyp jatady. Árıne, jınaq fýnktsııasy negizgi bolýy kerek», - dedi Qasym-Jomart Toqaev halyqqa Joldaýynda.

Prezıdenttiń málimdeýinshe, ulttyq qordyń resýrstary tótenshe syn-qaterler týyndaǵan jaǵdaıda qarjylyq turaqtylyqtyń mańyzdy kepili.

«Sonymen qatar, qor qarajatynyń bir bóligin Qazaqstannyń bolashaǵynyń kelbetin aıqyndaıtyn strategııalyq jobalardy qarjylandyrý maqsatynda qazirdiń ózinde paıdalanýǵa bolady. Ulttyq qor qazirdiń ózinde birqatar iri jobalardy qarjylandyrýda. Alaıda, jobalardy tańdaý kezinde júıelilik jetispeıdi. Sondyqtan, kelip túsken usynystarǵa jan-jaqty saraptama júrgizý qaje, ıaǵnı Ulttyq qordan jumsalǵan árbir teńge paıdaly jumsalatyndaı», -dedi Memleket basshysy.