Prezıdent Ulttyq bankke eldiń aqsha-nesıe saıasatyn ázirleýdi júktedi
«Ulttyq bank ortalyq banktiń klassıkalyq qyzmetterin oryndaýǵa nazar aýdarýy tıis. Bul: baǵa turaqtylyǵyn qamtamasyz etý, tıimdi, ashyq aqsha saıasatyn júrgizý. Osyǵan baılanysty osy jyldyń 1 shildesine deıin ortasha qysqa kezeńge aqsha-nesıe saıasatyn ázirleý qajet. Maqsat - salystyrmaly túrde tómen ınflıatsııa men ekonomıkalyq ósimdi qamtamasyz etý arasyndaǵy ymyraǵa qol jetkizý»,- dedi Memleket basshysy.
Qazaqstan Prezıdenti eldiń qarjy sektoryn, onyń ishinde «Astana» halyqaralyq qarjy ortalyǵynyń qyzmetin damytý qajettigine nazar aýdartty.
«Ótken jyly Úkimet pen Ulttyq bank syndarly ózara is-qımyldy kúsheıtti. Bul jumysty jalǵastyrý qajet. Osy protsesterdiń aıasynda Qazaqstannyń qundy qaǵazdarynyń halyqaralyq ındeksterge qosylýyn qamtamasyz etý qajet. Bul - jańa naryqtar ashyp, qaryzdarǵa qyzmet kórsetý qunyn tómendetýge septigin tıgizedi. Naqty is-qımyl josparyn ázirleýdi tapsyramyn», - dedi Qasym-Jomart Toqaev.
