Prezıdent ult lıderine qatysty qujatqa qol qoımaýy arqyly naǵyz parasattylyqtyń úlgisin kórsetti - G.Isenbaeva
ASTANA. Maýsymnyń 4-i. QazAqparat /Aıdar Ospanalıev/ - Qazaqta «Ulyq bolsań, kishik bol» degen ulaǵatty sóz bar. Prezıdent ult lıderine qatysty qujatqa qol qoımaýy arqyly naǵyz parasattylyqtyń úlgisin kórsetti», dedi búgin Májilis depýtaty Gúlmıra Isenbaeva.
Bul týraly ol búgin Parlament Májilisinde ótken jalpy otyrystan soń Memleket basshysynyń Úndeýine baılanysty jýrnalısterge bergen suhbatynda aıtty, dep habarlaıdy QazAqparat.
Onyń pikirinshe, depýtattar búgin Prezıdenttiń ult kóshbasshylyǵyna qatysty sheshimin búgin taǵy da talqylap, qoldap daýys berdi. «Biz ol kisiniń aıtqandaryn durys túsinýimiz qajet. Memleket basshysynyń qosymsha quziret suraımyn degendegisi, memleket bolashaǵy úshin, elimizdiń táýelsizdigin nyǵaıtý úshin nemese syrttan tóngen qaýipten halqymyzdy saqtandyrý úshin qajet bolǵan jaǵdaıda men ózime qosymsha quziret suraımyn degendi aıtyp otyr», dedi depýtat.
Onyń pikirinshe, Prezıdenttiń Úndeýde óziniń otbasyna qatysty aıtqan sózderi zań aldynda azamattardyń barlyǵy birdeı degendi bildiredi. «Al zańǵa qol qoıý nemese qoımaý máselesine keletin bolsaq, bul Prezıdenttiń Konstıtýtsııamen bekitilgen quqyǵy. Sondyqtan biz onyń sheshimin qabyldaımyz», dedi depýtat.
