Prezıdent ulytaýlyq Aýyl sharýashylyǵy eńbekkerin «Eren eńbegi úshin» medalimen marapattady
JEZQAZǴAN. KAZINFORM — Búgin Astana qalasynda Aýyl sharýashylyǵy eńbekkerleriniń II forýmy ótti, dep habarlaıdy Ulytaý oblystyq ákimdiginiń baspasóz qyzmeti.
Atalǵan is-sharaǵa Ulytaý oblysynan 30-ǵa jýyq fermer, dıqan jáne aýyl sharýashylyǵy salasynyń ókilderi qatysty.
— Osy aıtýly jıynda jerlesimiz Muhanbetjanov Asqar Álıuly «Eren eńbegi úshin» medalimen nagradtaldy. Asqar Álıuly — Jezqazǵan qalasynda ornalasqan «Aıas» sharýa qojalyǵynyń basshysy. Qojalyqtyń negizgi qyzmet baǵyty — mal sharýashylyǵy. Asqar Álıuly óńirde uıymdastyrylatyn mádenı jáne qoǵamdyq-saıası is-sharalarǵa belsene atsalysyp, jármeńkelerde halyqqa sapaly aýyl sharýashylyǵy ónimderin usynyp keledi, — delingen vedomstvo taratqan aqparatta.
Ákimdik atap ótkendeı, kóp jyldyq tájirıbesi bar kásipker retinde ol ujym arasynda da, jergilikti turǵyndar arasynda da zor qurmet pen bedelge ıe.