Prezıdent Ulan-Batyrdaǵy Azııa birinshiliginde top jarǵan boksshylardy quttyqtady
ASTANA. KAZINFORM – Memleket basshysy bokstan Qazaqstan ulttyq quramasyn Ulan-Batyrda ótken Azııa birinshiliginde tabysty óner kórsetýimen quttyqtady. Bul týraly Prezıdenttiń keńesshisi – Baspasóz hatshysy Aıbek Smadııarov habarlady.
Prezıdent sportshylarymyz jalpy komandalyq esepte birinshi oryndy jeńip alyp, otandyq boks mektebiniń joǵary deńgeıin kórsetkenin atap ótti.
Quttyqtaýda Orazbek Asylqulov, Sabyrjan Aqqalyqov, Nurbek Oralbaı, Aıbek Oralbaı, Nadejda Rıabets jáne Dına Islambekova sekildi sportshylardyń jeńis tuǵyryna kóterilip, ortaq jetistikke zor úles qosqanyna nazar aýdaryldy.
Qasym-Jomart Toqaev qazaqstandyq bylǵary qolǵap sheberleriniń álemdik jarystarda kók baıraǵymyzdy bıikte jelbirete berýlerine tilektestik bildirdi.
Eske sala keteıik, budan buryn Mońǵolııa astanasy Ulanbatyr qalasynda ótken World Boxing aıasyndaǵy 2026 jylǵy Azııa chempıonatynda bokstan Qazaqstan quramasynyń medaldar kestesinde 1-oryn alǵanyn jazǵan edik.
