16:57, 26 Qarasha 2025 | GMT +5
Prezıdent UQShU keńesiniń otyrysyna qatysý úshin Bishkek qalasyna bardy
BІShKEK. KAZINFORM — Memleket basshysy UQShU Ujymdyq qaýipsizdik keńesiniń otyrysyna qatysý úshin Bishkek qalasyna bardy. Bul týraly Aqordanyń baspasóz qyzmeti málim etti.
— Qasym-Jomart Toqaevty Manas áýejaıynan Qyrǵyzstan Mınıstrler kabınetiniń tóraǵasy — Qyrǵyzstan Prezıdenti Ákimshiliginiń basshysy Adylbek Qasymalıev qarsy aldy, — delingen habarlamada.
Eske sala keteıik, 27 qarashada Bishkekte Qyrǵyzstannyń tóraǵalyǵymen Ujymdyq qaýipsizdik týraly shart uıymynyń Ujymdyq qaýipsizdik keńesiniń kelesi sessııasy ótedi.
