Qazaqstan UQShU aıasyndaǵy yntymaqtastyqty nyǵaıtýǵa daıyn — Toqaev
ASTANA. KAZINFORM — Prezıdent UQShU Bas hatshysy Taalatbek Masadykovty qabyldady, dep habarlaıdy Aqordanyń baspasóz qyzmeti.
Taalatbek Masadykov Qasym-Jomart Toqaevqa UQShU Bas hatshysy laýazymyndaǵy josparyn tanystyrdy.
Kezdesýde Uıym qyzmetiniń negizgi baǵyttary boıynsha, sonyń ishinde turaqty jumys organdarynyń mindetterine qatysty kóptegen másele talqylandy.
— Memleket basshysy Uıymdy odan ári damytýǵa arnalǵan birqatar usynysymen bólisip, Qazaqstan tarapy UQShU aıasyndaǵy yntymaqtastyqty nyǵaıtýǵa daıyn ekenin aıtty, — delingen habarlamada.
Osyǵan deıin Prezıdent Qazaqstannyń Koreıa men Mıanmadaǵy elshilerin taǵaıyndaǵanyn jazdyq.
