Úkimet jańa quram jasaqtalǵansha óz mindetin atqarady
ASTANA. KAZINFORM — Memleket basshysy Qasym-Jomart Toqaev «Qazaqstan Respýblıkasynyń Úkimeti týraly» jarlyqqa qol qoıdy.
Jarlyqqa sáıkes, jańadan saılanǵan Qazaqstan Respýblıkasy Quryltaıynyń aldynda Úkimettiń ókilettigin doǵarýyna baılanysty qazirgi Úkimet jańa quram bekitilgenge deıin óz mindetterin atqara beredi.
— Qazaqstan Respýblıkasy Konstıtýtsııasynyń 69-babynyń 1-tarmaǵyna, «Qazaqstan Respýblıkasynyń Úkimeti týraly» Qazaqstan Respýblıkasy Konstıtýtsııalyq zańynyń 4-babyna sáıkes jańadan saılanǵan Qazaqstan Respýblıkasy Quryltaıynyń aldynda Qazaqstan Respýblıkasy Úkimetiniń ókilettigin doǵarýyna baılanysty QAÝLY ETEMІN:
Qazaqstan Respýblıkasy Úkimetiniń jańa quramy bekitilgenge deıin Qazaqstan Respýblıkasynyń Úkimeti óz mindetterin atqaratyn bolsyn, — delingen qujatta.
Jarlyq qol qoıylǵan kúninen bastap kúshine endi.
Aıta keteıik, birinshi shaqyrylymdaǵy Quryltaıdyń birinshi sessııasy ótip jatyr.
