Prezıdent Úkimetke eldegi densaýlyq saqtaý ǵımarattaryn jańartýdy tapsyrdy
ASTANA. KAZINFORM – Memleket basshysy Qasym-Jomart Toqaev Úkimetke tutas densaýlyq saqtaý ınfraqurylymyna aýqymdy renovatsııa júrgizý jóninde tapsyrma berdi.
– Aýylda densaýlyq saqtaýdy jańǵyrtý» ulttyq jobasynyń birinshi kezeńi sátti iske asyryldy. 2023 jyldan bastap jańadan 655 bastapqy medıtsınalyq-sanıtarlyq kómek kórsetý nysany salyndy. Bıyl 32 aýdandyq aýrýhanany jańǵyrtý jumystary aıaqtalady. Bul azamattardy turǵylyqty jerde sapaly medıtsınalyq kómekpen qamtamasyz etedi, – dedi Qasym-Jomart Toqaev.
Sonymen birge, elordada jáne óńirlerde mamandandyrylǵan ǵylymı ınstıtýttar men kópbeıindi aýrýhanalar, zamanaýı emhanalar jáne perınataldy ortalyqtar boı kóterip keledi.
– Degenmen aldaǵy jumys – aýqymdy. Elimizde paıdalaný merzimi áldeqashan ótip ketken 14 myńnan asa nysan áli de qyzmet kórsetip tur. Sondyqtan Úkimet búkil densaýlyq saqtaý ınfraqurylymyna aýqymdy renovatsııa júrgizip, olardyń materıaldyq-tehnıkalyq bazasyn jańǵyrtýy qajet, – dedi Prezıdent.
Aıta keteıik, Aqordada Prezıdent medıtsına qyzmetkerlerin kásibı merekesimen quttyqtady. Elimizde maýsymnyń ər úshinshi jeksenbisi – medıtsına qyzmetkerleriniń kúni. Bul kúndi atap ótý QR Prezıdentiniń 1998 jylǵy Jarlyǵymen belgilengen.
Jańa Konstıtýtsııada «ult saýlyǵy» uǵymyna alǵash ret nazar aýdaryldy.
Prezıdent medıtsına qyzmetkerlerine kúsh kórsetken adamdardy qylmystyq jaýapkershilikke tartý týraly da pikir bildirdi.
Sondaı-aq, Memleket basshysy qoǵamdyq oryndarda ádep saqtaý máselesin kóterdi.
Bıyldyń ózinde medıtsına mamandarynyń jalaqysyn ósirýge 33 mıllıard teńge bólingen.
