Prezıdent Úkimetke ekonomıkalyq ósimdi jedeldetý jóninde tapsyrma berdi
ASTANA. KAZINFORM — Memleket basshysy Premer-mınıstr Oljas Bektenovti qabyldady. Bul týraly Aqordanyń baspasóz qyzmeti habarlady.
Kezdesý barysynda Prezıdent Qasym-Jomart Toqaev Úkimettiń aldaǵy kezeńge arnalǵan basty mindetterin aıqyndap, eldiń áleýmettik-ekonomıkalyq damýyna qatysty birqatar tapsyrma berdi.
Memleket basshysy ekonomıkalyq ósimniń turaqty qarqynyn qamtamasyz etý, memlekettik basqarý tıimdiligin arttyrý jáne azamattardyń ál-aýqatyn dáıekti túrde jaqsartý qajet ekenine nazar aýdardy.
Prezıdent barlyq memlekettik organdy ortaq iske jumyldyryp, oryndaýshylyq tártipti kúsheıtýdi jáne Úkimet qyzmetinde naqty nátıjelerge qol jetkizýge basa mán berýdi tapsyrdy.
Aıta ketelik buǵan deıin Memleket basshysy Vıtse-Prezıdentin qabyldap, Erlan Qarınniń jańa qyzmetindegi mindetterin aıqyndap bergen edi.
