UQK jáne Shekara qyzmetiniń fýnktsııalary keńeıtildi – Jarlyq
ASTANA. KAZINFORM – Qazaqstan Prezıdenti Qasym-Jomart Toqaev 2024 jylǵy 12 tamyzdaǵy Jarlyǵymen UQK men Shekara qyzmetine jańa mindetter júktedi. Ol alǵash resmı jarııalanǵan kúninen bastap kúshine endi.
14 tamyzdan bastap, QR Ulttyq qaýipsizdik qyzmeti baılanys operatorlary men baılanys jelileri ıeleriniń jedel-izdestirý, qarsy barlaý is-sharalaryn tehnıkalyq júrgizý úshin telekommýnıkatsııalyq jabdyqtarynyń fýnktsııalaryn menshikti nemese tartylǵan qarajat esebinen qamtamasyz etý qaǵıdalaryn ázirleý men bekitýge;
memlekettik statıstıka salasyndaǵy ýákiletti organ aıqyndaıtyn derekqorlardy sáıkestendirilmegen túrinde ǵylymı jáne ǵylymı-tehnıkalyq qyzmette paıdalaný úshin usyný qaǵıdalaryn kelisýge ýákiletti atandy.
2025 jylǵy 7 qańtardan bastap UQK fýnktsııasyna baılanys operatorlary men jeli ıeleriniń tótenshe jaǵdaılar qaýpi tóngende nemese týyndaǵanda ýákiletti organǵa jıyntyq derekterdi usyný qaǵıdalaryn kelisý, sondaı-aq derekterdi óńdeý ortalyqtarynyń qyzmetin uıymdastyrý jáne halyqaralyq nemese ulttyq tehnıkalyq aýdıtten ótý qaǵıdalaryn kelisý mindetteri qosylady.
Sondaı-aq, UQK Shekara qyzmetiniń adam saýdasyna qarsy is-qımyl salasy boıynsha da birqatar fýnktsııa qosyldy.
Endi shekarashylar adam saýdasynyń aldyn alý jónindegi sharalardy qabyldaýǵa; adam saýdasyna qarsy is-qımyl salasyndaǵy syn-qaterdi baǵalaýǵa jáne olardy barynsha azaıtý boıynsha usynystar engizýge qatysýǵa; adam saýdasy qurbandaryna kómek kórsetý jáne arnaýly áleýmettik qyzmetter kórsetýdi usyný úshin olardy qaıta baǵyttaýǵa qatysýǵa; ishki ister organdaryn ózderine belgili bolǵan daıyndalyp jatqan ne jasalǵan adam saýdasyna baılanysty qylmys faktileri týraly habarlaýǵa; adam saýdasyna qarsy is-qımyl salasyndaǵy qyzmettiń nátıjeleri týraly jurtshylyqqa habarlaýǵa; QR quqyq qorǵaý organdaryna azamattardy qorǵaýǵa jáne shekaralyq keńistikte QR kóshi-qony salasyndaǵy zańnamasynyń saqtalýyna járdem kórsetýge mindetteledi.
Astanada shekarashylarǵa arnalǵan mýral ashyldy.
