Prezıdent UQK Sybaılas jemqorlyqqa qarsy is-qımyl qyzmetiniń dırektoryn taǵaıyndady

ASTANA. KAZINFORM – Nurjan Qusaıynov QR Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmetiniń dırektory laýazymyna taǵaıyndaldy. Bul týraly Aqordanyń baspasóz qyzmeti habarlady. 

– Memleket basshysynyń ókimimen Nurjan Maratuly Qusaıynov Qazaqstan Respýblıkasy Ulttyq qaýipsizdik komıtetiniń Sybaılas jemqorlyqqa qarsy is-qımyl qyzmetiniń dırektory laýazymyna taǵaıyndaldy, - delingen habarlamada. 

Eske sala keteıik, buǵan deıin Qazaqstan Respýblıkasynyń Ulttyq qaýipsizdik komıtetine qosý arqyly Qazaqstan Respýblıkasynyń Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) qaıta uıymdastyrylatynyn jazǵan edik. Aqorda osy týraly Jarlyq mátinin jarııalady.