Prezıdent UQK-niń jańa tóraǵasyna birqatar tapsyrma berdi

ASTANA. KAZINFORM – Memleket basshysy Qasym-Jomart Toqaev Ulttyq qaýipsizdik komıtetiniń basshylyǵymen jıyn ótkizip, vedomstvonyń jańa tóraǵasy Marat Irmenovti tanystyrdy, dep habarlady Aqorda.

a
Foto: Aqorda

Memleket basshysy Qasym-Jomart Toqaev Ulttyq qaýipsizdik komıtetiniń jańa tóraǵasy Marat Irmenovti tanystyryp, oǵan birqatar mindet júktedi.

Prezıdent ulttyq qaýipsizdik organdary júıesin reformalaý, vedomstvo aldyna qoıylǵan maqsattarǵa jetýdiń jańa tásilderin ázirleý jáne qyzmet tıimdiligin arttyrý qajettigine toqtaldy.

Qasym-Jomart Toqaev «Zań men Tártip» qaǵıdatynyń oryndalýyna, memlekettiń ekonomıka salasyndaǵy ulttyq múddesin qamtamasyz etýge, sybaılas jemqorlyqqa jáne basqa da zań buzýshylyqtarǵa qarsy is-qımylǵa basa nazar aýdarý kerek ekenin atap ótti.

Sonymen qatar Prezıdent kadrlardy irikteý tártibin jetildirý, áleýmettik-ekonomıkalyq turaqtylyqqa tónetin qaýiptiń aldyn alý, basymdyqqa ıe memlekettik baǵdarlamalardy júzege asyrý barysynda jemqorlyq táýekelderin boldyrmaý jónindegi profılaktıkalyq sharalardy kúsheıtý týraly tapsyrma berdi.

Aıta keteıik, buǵan deıin Memleket basshysynyń Jarlyǵymen Marat Ǵataullauly Irmenov Qazaqstan Respýblıkasy Ulttyq qaýipsizdik komıtetiniń tóraǵasy bolyp taǵaıyndalyp, burynǵy atqarǵan laýazymynan bosatylǵan bolatyn.